ИГОР ИВАНОВ, режисер и сценарист
Роден 1973 година во Скопје.
Во 1991 година го формира музичкото радио Канал 103.
Својата режисерска кариера ја започнува со субверзивно-музичкиот серијал “Сабвеј”, од кој произлегува и неговиот прв филм насловен како “НЕП”, премиерно прикажан на Лондонскиот филмски фетсивал.
Во 1997, го снима кусометражниот филм – Часовник, кој се здобива со специјално признание од советот на Европа.
Автор е на документарните филмови под наслов Кавал и Гајда, прикажани на повеќе фестивали ширум светот.
Во 2004 година го снима филмот “Бубачки”, номиниран за Златна Мечка на филмскиот фестивал во Берлин и добитник на престижниот Златен Леопард на фестивалот во Локарно, како и на други значајни светски признанија.
Во 2007, неговиот прв долгометражен филм под наслов – “Превртено”, е премиерно прикажан на фестивалот во Карлови Вари и добитник е на наградата за најдобра режија на фестивалот во Валенсија, како и на наградата на жирито на фестивалот MOVEAST во Унгарија.
Автор е на вториот од серијалот спотови под наслов “Македонија вечна”, награден на фестивалот за туристички филмови Art&Tur во Португалија, како и на десетици рекламни кампањи, рекламни спотови, корпоративни и наменски филмови.
Неговиот втор игран филм “Соба со Пијано" во октомври 2014 ја доживеa својата премиера во САД, на престижниот интернационален фестивал во Чикаго.
Игор Иванов e коавтор на сценариото за играниот филм “Три дена во септември” во режија на Даријан Пејовски.
Посетува пост-дипломски студии на Филозофскиот факултет при Универзитетот Кирил и Методиј во Скопје и е во фаза на подготовка на нов игран филм.
Во областа на телевизиската продукција, Иванов се јавува како режисер на серијалите "Наше маало", "Пет Плус", "Преспав", "Инсајдер", како и на бројни ТВ репортажи, документарни филмови и музички спотови.
ФИЛМОГРАФИЈА
2018 | ШАМПИОН / CHAMPION (Documentary; 50min) DCP - in production |
2017 | ИНСАЈДЕР / INSIDER (TV Series) |
2017 | СЕНКИ НАД БАЛКАНОТ / SHADOWS OVER THE BALKANS (TV Series -1 episode) |
2016 - 2017 |
ПРЕСПАВ / PRESPAV (TV Series) |
2014 - 2017 |
ПЕТ ПЛУС / FIVE PLUS (TV Series) |
2013 | СОБА СО ПИЈАНО / THE PIANO ROOM (102min) DCP |
2012 | ВЕРУВАМ ВО ЉУБОВТА / I BELIEVE IN LOVE (Documentary; 13min)DCP |
2007 | ПРЕВРТЕНО / UPSIDE DOWN (105min) 35mm |
2004 | БУБАЧКИ / BUBACHKI (15min) 35mm |
2000 | КАВАЛ / KAVAL (Documentary; 12min) 35mm |
2000 | ГАЈДА / GAJDA (Documentary; 9min) 35mm |
1999 - 2003 |
НАШЕ МААЛО / NASE MAALO (TV Series) |
1997 | ЧАСОВНИК / The CLOCK (8min) 35mm |
1995 | НЕП / NEP (Documentary; 94min) 16mm |
1996 | ЌЕБЕТО НА АЦО ШОПОВ / ACO SHOPV'S BLANKET (10min) |
1993 - 1994 |
САБВЕЈ / SUBWAY (TV series) |